ABŞ prezidenti Donald Tramp sələfi Co Baydenin administrasiyasının Federal Aviasiya Administrasiyasının (FAA) fəaliyyətini iflic etdiyini bildirib.
APA xəbər verir ki, Tramp bu barədə öz “Truth” hesabında paylaşım edib.
“Bayden administrasiyası Federal Aviasiya Administrasiyası üçün fəlakət oldu. Onların əl atdığı hər şey alt-üst oldu. Böyük məbləğdə vəsait səmərəsiz xərcləndi, köhnə və nasaz sistem əvvəlkindən də pis vəziyyətə düşdü”, – Tramp yazıb.
Qeyd edək ki, cümə günü FAA 22 regional uçuş idarəetmə mərkəzində avadanlıqla bağlı yaranan problemlərə görə ABŞ üzrə uçuşları dayandırıb. Qurum hadisə ilə bağlı araşdırmaya başlayıb. Bu, 2023-cü ilin yanvarından bəri ölkə üzrə uçuşların ilk dəfə dayandırılmasıdır.
