Lənkəranda dörd avtomobilin iştirakı ilə zəncirvari qəza olub.

“Qafqazinfo” xəbər verir ki, qəza Lənkəran-Boradigah-Masallı yolunun Separadi kəndindən keçən hissəsində qeydə alınıb.

Belə ki, hərəkətdə olan “Qazel” markalı avtomobilin sürücüsü idarəetməni itirib. Nəticədə avtomobil əvvəlcə yol kənarında dayanan “Mercedes” markalı nəqliyyat vasitəsinə, daha sonra “VAZ-21099” və marketin qarşısında dayanan “VAZ-2106” markalı avtomobillərə çırpılıb.

Ardınca avtomobilin beton elektrik dirəyinə çırpılması nəticəsində Separadi və Zövlə kəndlərində elektrik enerjisinin verilişində fasilə yaranıb.

Qəza zamanı xəsarət alan olmasa da, avtomobillərə ciddi ziyan dəyib.

Faktla bağlı araşdırma aparılır.

Surxay Şahbazov