Naxçıvan icra hakimiyyətində kadr dəyişikliyi baş verib.

NOCOMMENT.az xəbər verir ki, Naxçıvan Şəhər İcra Hakimiyyəti başçısının müavini — İctimai-siyasi və humanitar məsələlər şöbəsinin müdiri vəzifəsini tutan Gülxanım Orucova tutduğu vəzifəsindən azad edilib.

Mötəbər mənbələrdən əldə edilən məlumata görə, məhz işdən kənarlaşdırıldıqdan sonra o, təhsil naziri Emin Əmrullayevin ötən gün vətəndaşlar ilə keçirdiyi görüşə qatılıb.

G.Orucova qəbulda sadə vətəndaş qismində iştirak edib.

Mənbənin bildirdiyinə görə, əvvəllər təhsil sahəsində çalışmış Gülxanım Orucova nazirə müraciəti zamanı yenidən bu sahədə fəaliyyət göstərmək istədiyini bildirib.

Gülxanım Orucovanın müraciətinə nazir tərəfindən hansı cavabın verildiyi hələ ki, məlum deyil.

Qarşı tərəfin mövqeyini dərc etməyə hazırıq.