Rusiya Xarici İşlər Nazirliyinin sözçüsü Mariya Zaxarova Avropa Xəbər Agentlikləri Alyansının (EANA) TASS agentliyini qurumdan xaric etmək qərarını tənqid edib.
NOCOMMENT.az xəbər verir ki, Zaxarova bu barədə bəyanatında bildirib.
Onun sözlərinə görə, EANA rəhbərliyi bu qərarı verməklə Avropa İttifaqının hakim dairələrinin Rusiyaya qarşı gərginliyi artırmaq siyasətinə dəstək nümayiş etdirib.
Zaxarova qeyd edib ki, alyansın TASS-ı xaric etməsi onun mətbuat azadlığını qorumaq iqtidarında olmadığını göstərir.
Rusiya XİN sözçüsü vurğulayıb ki, EANA öz nizamnaməsində əksini tapan prinsiplərə, o cümlədən mətbuat azadlığının dəstəklənməsi, Avropa media qurumları arasında əməkdaşlığın təşviqi və onların maraqlarının müdafiəsi öhdəliklərinə əməl edə bilmir. (TASS)
