Bu gün Gəncə şəhər stadionunda Misli Premyer Liqasının XII turu çərçivəsində keçiriləcək “Kəpəz” – “Qarabağ” matçını izləmək üçün azarkeşlər arenaya axın edirlər.

“Qafqazinfo” xəbər verir ki, yağışlı hava şəraitinə baxmayaraq, qarşılaşmaya maraq olduqca böyükdür.

Qeyd edək ki, görüşdə cari mövsümün tamaşaçı rekordunun yenilənəcəyi gözlənilir. Belə ki, qarşılaşma üçün satışa çıxarılan bütün biletlər iki gün əvvəl satılıb. 15 363 tamaşaçı tutumuna malik Gəncə şəhər stadionunda matçı maksimum sayda azarkeşin izləyəcəyi gözlənilir.

Xatırladaq ki, biletlərin tam satılması səbəbindən stadionun kassaları son iki gündür fəaliyyət göstərmir.