Ermənistanda saxlanılan Azərbaycan hərbçisi Nəsimi Musayevin cinayət işi məhkəməyə göndərilib. Onun məhkəməsi İrəvanda deyil, Sünik (Zəngəzur) vilayətində keçiriləcək.
NOCOMMENT.az Ermənistan mətbuatına istinadən xəbər verir ki, cinayət işi ittiham aktı ilə Sünik (Zəngəzur) vilayətinin məhkəməsinə təqdim olunub.
Ermənistan Baş Prokurorluğunun məlumatına görə, hadisə oktyabrın 1-də saat 14:00 radələrində Sünik (Zəngəzur) vilayətinin Sisian (Qarakilsə) rayonunun Şəki kəndində baş verib.
Xatırladaq ki, sentyabrın 26-da Nəsimi Musayevin Laçın rayonu istiqamətində xidmət yerində olmadığı müəyyən edildikdən sonra onun axtarışına başlanılıb. Faktla bağlı Hərbi Prokurorluqda cinayət işi başlanıb.
Oktyabrın 1-də Nəsimi Musayev Ermənistanın Sünik vilayətinin Sisian rayonunun Şəki kəndində saxlanılıb. Ermənistan məhkəməsi istintaq altında olan əsgər barəsində iki ay müddətinə həbs qətimkan tədbiri seçib. O, hazırda İrəvanda saxlanılır.\\musavat.com