Çin lideri Si Cinpin Asiya-Sakit Okean İqtisadi Əməkdaşlığı (APEC) təşkilatının qarşıdakı qeyri-rəsmi liderlər görüşünə sədrlik edəcək.
APA xəbər verir ki, bu barədə Çinin Xarici İşlər Nazirliyi məlumat yayıb.
Görüşün mövzusu “Asiya-Sakit Okean icmasının qurulması və ümumi rifahın təşviqi” olacaq.
Bundan əlavə, 17-18 noyabr tarixində Çin lideri APEC-in biznes liderləri sammitində iştirak edərək əsas nitqlə çıxış edəcək.
O, həmçinin təşkilata üzv iqtisadiyyatların liderləri və nümayəndələri üçün ziyafət verəcək, xarici ölkələrin rəhbərləri ilə ikitərəfli görüşlər keçirəcək.
