Rusiyanın Mari El Respublikasının Zveniqovo rayonunda iki minik avtomobilinin toqquşması nəticəsində 7 nəfər ölüb, xəsarət alanlar var.
APA xəbər verir ki, bu barədə respublikanın Dövlət Yol Hərəkəti Təhlükəsizliyi Müfəttişliyi məlumat yayıb.
Bildirilib ki, qəza yerli vaxtla saat 20:40 radələrində “Vyatka” avtomobil yolunun 45-ci kilometrliyində baş verib.
Hadisə yerinə Mari El Respublikası Daxili İşlər Nazirliyinin Dövlət Yol Hərəkəti Təhlükəsizliyi Müfəttişliyinin əməkdaşları cəlb olunub.
Qəzanın başvermə şəraiti araşdırılır.
