Fransanın bir sıra şəhərlərində əhali qiymət artımlarına və hökumətin siyasətinə qarşı küçələrə axışıb. Aksiyalar zamanı etirazçılarla polis arasında sərt qarşıdurmalar yaşanıb.
NOCOMMENT.az xəbər verir ki, yerli KİV-lər on minlərlə insanın qatıldığı mitinqlər barədə məlumat yayıb.
Qeyd olunub ki, Bordonun küçələrini gözyaşardıcı qaz bürüyüb, Marseldə nümayişçilər polisləri zibil atmaqla hədəfə alıblar, Parisdə isə hüquq-mühafizə orqanlarının əməkdaşları etirazçılara qarşı dəyənəklərdən istifadə ediblər.
Məlumata görə, fransızlar ölkədəki bahalaşmadan və qiymət artımından güclü narazılıq edirlər. Vətəndaşlar xüsusilə Prezident Emmanuel Makronun son illərdə Avropanı “hərbi iqtisadiyyat” rejiminə keçirməyə yönəlmiş çağırışlarını və yürütdüyü büdcə siyasətini kəskin şəkildə tənqid edirlər.
Əli Səfərli,
