“Muhteşem Yüzyıl” serialında canlandırdığı “Pargalı İbrahim Paşa” obrazı ilə yaddaşlara həkk olunan məşhur türkiyəli aktyor Okan Yalabık son görüntüsü ilə sosial şəbəkələrdə böyük müzakirələrə səbəb olub.
“Qafqazinfo” xəbər verir ki, aktyor yeni imici ilə izləyiciləri və sosial şəbəkə istifadəçiləri tərəfindən Türkiyə Prezidenti Rəcəb Tayyib Ərdoğana bənzədilib.
Sosial şəbəkə platformalarında paylaşılan kollaj fotolarda Yalabıkın saqqalsız halı və üz cizgilərindəki dəyişiklik diqqət çəkib. İstifadəçilər iki məşhur sima arasındakı təəccüblü bənzərlik barədə qısa müddətdə minlərlə şərh yazıb və paylaşımlar ediblər.
Qeyd edək ki, 48 yaşlı aktyor uzun müddətdir ekranlardan uzaq qalsa da, teatr fəaliyyətinə və müxtəlif layihələrinə davam edir.
