ABŞ-də Nyu-Yorkun Bruklin rayonunda binanın qismən çökməsi nəticəsində ən azı bir nəfər ölüb, bir neçə sakin yaralanıb.
“Qafqazinfo” xəbər verir ki, Nyu-York Yanğından Mühafizə İdarəsinin (FDNY) rəsmiləri dağıntılar altında insanların qaldığını bildiriblər.
FDNY rəsmiləri çökən binanın Bruklinin mərkəzindəki Nyukirk və Flatbuş küçələri arasındakı bir məhəllədə yerləşdiyini, ən azı bir nəfərin öldüyünü və bir neçə nəfərin xilasetmə gözlədiyini diqqətə çatdırıblar.
***
CNN-in məlumatına görə, ABŞ-nin Nyu-York şəhərinin Bruklin rayonunda üçmərtəbəli binanın tikinti sahəsinə uçması nəticəsində azı 2 nəfər ölüb, 17 nəfər isə xəsarət alıb. Dağıntılar altında qalanların xilas edilməsi üçün genişmiqyaslı əməliyyat fasiləsiz olaraq davam etdirilir.
Hazırda ərazidə 250-dən çox xilasedici, o cümlədən xüsusi təlim keçmiş itlər və dronlar fəaliyyət göstərir.
Zərərçəkənlər arasında azı yeddi uşaq və dağıntılar altından çıxarılan hamilə bir qadın da var. Yanğınsöndürmə xidmətinin rəsmiləri dörd nəfərin vəziyyətinin kritik, 12 nəfərin vəziyyətinin isə stabil olduğunu bildiriblər. Xilasetmə işləri zamanı bir yanğınsöndürən də yüngül xəsarət alıb.
