İranın paytaxtı Tehranda çərəz satan bir şəxs İsrailin Baş naziri Binyamin Netanyahuya şaşırtıcı dərəcədə bənzədiyi üçün boykot edilib.
Dükanında əyləşdiyi zaman çəkilən görüntülərdə həmin adamın üz cizgiləri və saç düzümü Netanyahu ilə eyniləşdirilib, bəzi iranlılar isə məhz bu bənzəzliyə görə ondan alış-veriş etməkdən imtina ediblər.
NOCOMMENT.az xəbər verir ki, İran ilə İsrail arasındakı gərginlik Tehranda çərəz və şirniyyat satan bir sakinin də həyatına təsir göstərib. İsrailin Baş naziri Binyamin Netanyahuya fiziki olaraq olduqca bənzəyən həmin şəxs dükkanında lentə alınan videoların yayılmasından sonra bəzi yerli sakinlərin boykotu ilə üzləşib.
Çərəz, quru meyvə və şirniyyat satılan obyektdə çəkilən kadrlarda tərəzinin arxasında əyləşən satıcının saç xəttinin, üz cizgilərinin və mimiklərinin Netanyahuya bənzəməsi diqqət çəkib. Görüntüləri izləyən bəzi vətəndaşlar dükkanın ünvanını öyrənməyə çalışıb, digərləri isə bu bənzərliklə bağlı zarafatcıllıqla yanaşı sərt şərhlər yazıblar.
Netanyahuya olan fiziki bənzərliyi iranlı satıcının müştəri itirməsinə də səbəb olub. Belə ki, bəzi şəxslər İsrailin Baş nazirinə bənzadilən adamın dükanından alış-veriş etməməyə çağırış ediblər.
Əli,
NOCOMMENT.az
