Lənkəranda yaşayış evində yanğın olub.

“Qafqazinfo” xəbər verir ki, hadisə şəhər mərkəzində Mirzə Fətəli Axundov küçəsində qeydə alınıb.

Belə ki, hadisə ümumi sahəsi 150 kvadratmetrə yaxın olan yaşayış evində baş verib.

İlkin ehtimala görə, yanğına elektrik naqillərində yaranan qısaqapanma səbəb olub. Küləkli hava isə alovun daha sürətlə yayılmasına şərait yaradıb. Əraziyə çağrılan yanğınsöndürənlərin müdaxiləsindən sonra alovun qarşısı alınıb.

Qeyd edək ki, məlumata görə, evdə 3 ailə yaşayırmış. Hadisə zamanı evdə olan 8 nəfər, 5 böyük və 3 azyaşlı yanğından xilas olunublar.

Alovun qısa müddətdə bütün evi bürüməsi səbəbindən sakinlər özləri ilə heç bir əşya götürə bilməyib.

Surxan Şahbazov