İran İslam İnqilabı Keşikçiləri Korpusu (SEPAH) son saatlarda Hörmüz boğazının cənubunda iki neft tankerinin dəniz minalarına çırpıldığını açıqlayıb.
“Qafqazinfo” xarici KİV-ə istinadən xəbər verir ki, qurumun bəyanatında tankerlərin “icazəsiz” keçid marşrutundan istifadə etməyə çalışdığı və nəticədə şiddətli partlayışların baş verdiyi iddia olunub.
Bildirilib ki, partlayışlardan sonra hər iki gəmidə güclü yanğın başlayıb. Göyərtəsində 2 milyon bareldən çox xam neft olan supertankerlərdən biri Fars körfəzinin cənub sularında tamamilə yanaraq batıb.
SEPAH-ın açıqlamasında tankerlərin ABŞ ordusunun dəstəyi ilə naviqasiya sistemlərini söndürərək boğazdan gizli şəkildə keçməyə cəhd etdiyi də vurğulanıb.
