Milli Kibertəhlükəsizlik Agentliyində yeni təyinat olub.
NOCOMMENT.az xəbər verir ki, qurumun İdarə Heyətinin sədri Fərid Zeynalov müvafiq əmr imzalayıb.
Elman Muradov MKA-nın Strateji İdarəetmə Departamentinin direktoru vəzifəsinə təyin edilib.
O, 2024-cü ildən Agentlikdə fəaliyyət göstərir. Bu təyinatdan əvvəl Kibertəhlükəsizliyin idarə edilməsi departamentinin rəhbəri, daha əvvəl isə Audit və uyğunluq şöbəsinin rəhbəri vəzifələrində çalışıb.
2005-2024-cü illərdə isə ümumilikdə 19 ilə yaxın Azərbaycan Mərkəzi Bankında işləyib. Bu müddətdə İТ idarəetməsi və planlaşdırma, İT texnologiyalarının inkişafı, həmçinin risklərin idarə olunması istiqamətlərində müxtəlif rəhbər vəzifələrdə (şöbə rəhbəri, aparıcı mütəxəssis və s.) fəaliyyət göstərib.\\iqtisadiyyat.az
