Azərbaycan və Ermənistan liderləri Dublində görüşüb.
Görüş "Avropa Siyasi Birliyi"nin 9-cu Zirvə Toplantısı çərçivəsində baş tutub.
Əliyev və Nikol Paşinyan sülh prosesini müzakirə ediblər.
Bu barədə Azərbaycan Presidentinin saytı və Ermənistan Baş nazirinin ofisi məlumat yayıb.
Bildirilir ki, Tərəflər Vaşinqton Sülh Sammitində əldə olunan razılaşmaları nəzərdən keçiriblər.
Görüşdə sərhədlərin delimitasiyası və etimad quruculuğu tədbirləri, o cümlədən, Nəqliyyat və tranzit əlaqələrinin inkişafı da müzakirə olunub.
Liderlər iqtisadi-ticari əlaqələrin genişləndirilməsi və elektrik şəbəkələrinin birləşdirilməsini də müzakirə ediblər.
Tərəflər regionda sülh, sabitlik və dialoqun davam etdirilməsinin vacibliyini vurğulayıblar.
© 2026 BBC. BBC kənar saytların məzmununa məsul deyil. Bizim kənar keçidlərə dair yanaşmamız barədə oxuyun.
