“Bu, dalan deyil, necə dalan ola bilər ki?”

 ABŞ Dövlət katibi Marko Rubio Vaşinqton və Tehran arasındakı qarşıdurmanın dalana dirəndiyi barədə fikri rədd edib.

“Qafqazinfo” xarici KİV -ə istinadən xəbər verir ki, o bu haqda Parisdə keçirilən G7 ölkələrinin xarici işlər nazirlərinin görüşü çərçivəsində jurnalistlərə bildirib.

“Bu, dalan deyil. Siz buna dalan deyirsiniz, amma mən bilirəm ki, bu, dalan deyil. Necə dalan ola bilər ki?” – deyə o qeyd edib.

ABŞ Dövlət katibinə görə, Vaşinqton sanksiyalar və blokada vasitəsilə İran iqtisadiyyatına ciddi təzyiq göstərməkdə davam edir və bunun nəticələri gündən-günə daha da ağırlaşır. O, İranın iqtisadi vəziyyətinin pisləşməyə davam etdiyini və ölkənin Amerika məhdudiyyətləri səbəbindən hər gün vəsait itirdiyini vurğulayır.