Dünyaşöhrətli aktyor Bred Pitt həmkarı Robert Pattinsonun “Ceyms Bond” franşizasında baş rola seçilməsi ehtimalı ilə bağlı fikirlərini bölüşüb.
“Qafqazinfo” xəbər verir ki, bu haqda “Extra” nəşri məlumat yayıb.
Jurnalistlərin yeni Ceyms Bondun kim olacağı ilə bağlı sualına cavab verən Pitt, “Alatoran” (“Twilight”) ulduzunu əsl peşəkar adlandıraraq, onun namizədliyini dəstəklədiyini bildirib.
“Bu fikir xoşuma gəlir. Onun gördüyü işləri bəyənirəm. Bu seçim məni qane edir. O, əsl peşəkardır”, – deyə qeyd edib.
Pitt həmçinin yeni filmdə əsas mənfi qəhrəman rolunda kimi görmək istədiyi haqda da danışıb. O, casus-ekşn janrındakı bu filmdə antaqonist obrazını canlandırmaqda özünün də maraqlı olduğunu deyib.