ABŞ Prezidenti Donald Tramp “Truth Social” sosial şəbəkəsində Rusiya Prezidenti Vladimir Putinlə birgə fotosunu paylaşaraq onu yenidən dostu adlandırıb.

NOCOMMENT.az xəbər verir ki, UNN-nin məlumatına görə, Amerika lideri paylaşdığı fotoya “Mənim dostum” sözlərini əlavə edib.

Tramp noyabrın 19-da Çinin Şençjen şəhərində Putinlə görüşü zamanı da Rusiya prezidentini dostu adlandırmışdı.

Amerika lideri görüş otağına daxil olarkən Putini göstərərək “Bu kimdir? Bu, mənim dostumdur” söyləmişdi. Daha sonra liderlər əl sıxaraq kameralar qarşısında səmimi görüntülər vermişdilər.

Tramp Putinlə uzun illərdir yaxşı münasibətlərinin olduğunu vurğulamış, bu əlaqələrin müsbət nəticələr verəcəyinə ümid etdiyini bildirmişdi.

ABŞ prezidentinin Putini dostu adlandırması Polşada da reaksiyalara səbəb olub. Baş nazir Donald Tusk bu açıqlamaya “Allah bizi belə dostlardan qorusun” sözləri ilə münasibət bildirib.\\musavat.com