Bakıda yaşlı qadının evinə oğurluğa girən şəxs sürprizlə qarşılaşıb.
NOCOMMENT.az xitab24.az-a istinadla xəbər verir ki, qadının pul kisəsini oğurlayan 1992-ci il təvəllüdlü Həşim Fərəcov (ad-soyad şərtidir) onun içərisinə baxış keçirən zaman 700 manat pulla yanaşı, üzərində “etibarsızdır” yazılan saxta əsginaslarla da qarşılaşıb.
Cabbar Qaryağdıoğlu küçəsində yaşayan ev sahibəsi yuxudan oyanaraq oğru ilə qarşılaşıb: Kimsən sən, evimdə nə işin var?” H.Fərəcov isə cavab olaraq “xala, bağışla, səhv gəlmişəm” deyib və mənzildən çıxıb.
Qadın pullarının oğurlandığını səhər saatlarında fərqinə varıb və dərhal polisə məlumat verib. Təqsirləndirilən şəxs ifadəsində bildirib ki, qadına məxsus pul kisəsində 7 ədəd həqiqi 100 manatlıq pul əsginası, 6 ədəd üzərində “etibarsızdır” sözü yazılmış 100 manatlıq, 1 ədəd saxta 200 manatlıq və 6 ədəd etibarsız 100 ABŞ dolları aşkarlayıb.
Cinayət Məcəlləsinin 177.2.3-cü maddəsi ilə təqsirləndirilən şəxs 2 il müddətinə azadlqıdan məhrum edilib.