Endokrinoloq Qriqori Dolquşin arıqlamaq istəyən şəxslərin saat 18:00-dan sonra qidadan tamamilə imtina etməsinin sağlamlıq üçün zərərli olduğunu bildirib.
“Qafqazinfo” xəbər verir ki, həkim bu barədə məlumat paylaşıb.
Mütəxəssis izah edib ki, insan acqarına yatdıqda ya gecə yarısı oyanıb yemək yeyir, ya da səhər özünə həddindən artıq bol səhər yeməyi hazırlayır. Bundan əlavə, aclıq hissi yuxuya getməyə mane olur, pis yuxu isə ertəsi gün iştahanı daha da artırır. Nəticədə qapalı bir dairə yaranır.
Q. Dolquşin qeyd edib ki, qastrit, mədə xorası və ya reflüks xəstəliyi olan insanlarda uzunmüddətli aclıq fasilələri ağrını və mədə qıcqırmasını şiddətləndirir. Sağlam mədə üçün də müntəzəm qidalanma faydalıdır.
Endokrinoloq axşam saatlarında yalnız yağlı qidaları məhdudlaşdırmağa çağırıb: “Yağlı yeməklər gec həzm olunur və uzanmış vəziyyətdə reflüksə səbəb olur. Gecə vaxtı mayonezli kabab yemək pis fikirdir, lakin yüngül qəlyanaltı yaxşı seçimdir”.