“ABŞ hələ də İranın mesajına cavab verməyib”.
“Qafqazinfo” xəbər verir ki, bunu İran Parlamentinin sədri Məhəmməd Baqer Qalibaf “Al Jazeera” telekanalına müsahibəsində deyib.
O, ölkəsinin qanuni tələblərini özündə əks etdirən cavabın ABŞ tərəfinə aydın və birmənalı şəkildə çatdırıldığını, lakin Vaşinqtonun hələ də buna cavab vermədiyini söyləyib.
Qalibaf vurğulayıb ki, Hörmüz boğazının açılması üçün ABŞ İranın irəli sürdüyü yeddi şərtin hamısını yerinə yetirməlidir: “Ölkəmizin qanuni tələblərini ehtiva edən cavabı ABŞ tərəfinə aydın şəkildə çatdırdıq. Lakin ABŞ hələ də İranın mesajına rəsmi və aydın cavab verməyib”.
Spiker Vaşinqtonla razılığın əldə olunmamasının əsas səbəbi kimi ABŞ-yə qarşı dərin etimadsızlığı və qarşı tərəfin həddindən artıq tələblər irəli sürməsini göstərib.
O, ABŞ Prezidenti Donald Trampın İrana qarşı yeni bir hücum qərarı verəcəyi təqdirdə yenidən məğlubiyyətə uğrayacağını bildirib, ABŞ-nin Rusiya Prezidenti Vladimir Putindən birbaşa İranla danışıqlara vasitəçilik etməsini istədiyini dilə gətirib.
