Məhəmmədin oyunu

 

Təbiətin cism və əşyalarını ilahiləşdirərək ona ibadət edən insanlar, yəni bütpərəstlərlə Məhəmməd və onun yaratdığı dini qəbul edən qəbilə arasında mütəmadi çəkişmələr olurdu. Bir-birilərinin etiqad etdiyi inancı qəbul etməyən tərəflərin düşmənçiliyi qanlı hücumlarla nəticələnirdi. Məkkə dönəmində müsəlmanların bir qismi bu cür dava-dalaşdan, basqınlarından uzaq olmaq üçün Həbəşistana köçərdilər. (Həbəşistan Şərqi Afrikada yerləşən indiki Efiopiya dövlətinin qədim adıdır). Məhəmməd (peyğəmbər dediyiniz adam) bütpərəstlərdən qorunmaq və eyni zamanda qəbilələr arası nüfuzunu artırmaqdan ötrü yersiz hücumların qarşısını almağın bir çarəsini tapmağa məcbur idi.  Tabərinin nəql etdiyinə görə (Əbu Cəfər Məhəmməd ibn Cərir ət-Tabəri orta əsr müsəlman alimi, tarixçi, səyyah) işin bu məqamında məkkəli müşriklərin (bütə inananların) Məhəmmədə bir sıra təkliflər etməsi vəziyyəti asanlaşdırır. Artıq, Məhəmməd və onun tərəfdarları ilə bütpərəstlər ortaq məxrəcə gəlməyin bir addımlığında idilər. Tabərinin yazdığına görə bütpərəstlər deyib ki: “Ey Məhəmməd, sən bizim ilahlarımıza (yəni, inandığımız, allah hesab etdiyimiz bütlərə) lağ etməkdən, onları tənqid etməkdən əl çək və gəl bir il boyunca bizim ilahlarımız olan Lat, Uzza və Mənata (bütpərəstlərə görə tanrıların tanrısı, yerin-göyün yaradıcısı olan Əl-İlahın 3 qızı var idi: Əl-Lat, Əl-Uzza və Əl-Mənat) ibadət edin. Növbəti ildə biz sənin ilahına (yəni, allahına) ibadət edək. Bizə qəbul etdirmək istədiyin din, bizim inandığımız dindən xeyirli olarsa, o zaman sənin dinindən payımızı alarıq. Əgər bizim dinimiz səninkindən xeyirli olarsa, onda sən bizim dinimizdən hissəni alarsan”.  

Məhəmməd bu təkliflə razılaşır tayfalar arası sülhü bərqərar etmək üçün və eyni zamanda müşriklərin rəğbətini qazanmaq naminə bir gün Kəbənin yanında “Nəcm” surəsini oxuyur. Müsəlmanlarla bərabər bütpərəstlər də onu dinləyirlər. Nəcm surəsinin 18 ayəsini söylədikdən sonra Məhəmmədin ağzından “şeytan ayələri” deyilərək adlandırılan bu ayələr çıxır: “Lat və Uzza ve bir üçüncüsü olan Mənat. Onlar ulu turnalardır. Və əlbəttə şəfaətləri umulur”. Bunu ona görə “şeytan ayələri” adlandırırlar ki, guya bu ayələri Məhəmmədə şeytanlar dedizdirib. Həmin ayələrdən sonra müsəlmanlar və bütpərəstlər birlikdə səcdə edirlər. Xəbər Həbəşistana qədər yayılır. Müsəlmanların Qureyşlilərlə (müsəlmanların ən çox döyüşdüyü qəbiləlrədəndir) razılığa gəlindiyi, aralarında olan çəkişmənin bitdiyi söylənilir. Lakin, bu hadisə müsəlmanlar tərəfindən bir mənalı qəbul edilmir. Beləki, onların bir qismi Həbəşistandan Qureyşə geri dönür, digər yerdə qalanı isə Məhəmmədin söylədiyi ayəyə ciddi olaraq etiraz edir, təpgi göstərir. Getdikcə tərəfdarları arasında narazıların sayının çoxaldığını görən Məhəmməd bu zaman allahı araya soxmaqla vəziyyətdən çıxır. Guya Allah, Cəbrayılı peyğmbərin yanına göndərmiş və “ey Məhəmməd, sən nə etdin? İnsanlara, mənim sənə göndərmədiyim sözləri söylədin” – demişdir. Ardınca yuxarıda Lat, Uzza və Mənat bütləri barədə söylədiyi xoş ayələri belə düzəldir:

Nəcm surəsi
19. (Ey müşriklər!) Bir deyin görək (sizin ibadət etdiyiniz) Lat və Uzza nəyə qadirdilər?!

20. Digər üçüncü (büt) olan Mənat də həmçinin?!

21. Məgər oğlanlar sizin, (bəyənmədiyiniz) qızlar isə Onundurmu?! (Allahındırmı)?!

22. Elə isə bu ədalətsiz bölgüdür!

Və eyni zamanda Məhəmməd vəziyyətə uyğun olaraq düzəliş verdiyi ayələrə allahın ağzı ilə don geyindirərək  ayə şəkilində ətrafındakılara söyləmişdi. Həcc surəsi 52-ci ayədə bildirib ki, bütpərəstlərin allahı barədə xoş sözləri ona şeytan dedizdirib. Həcc surəsi 52-ci ayə:  (Ya Rəsulum!) Biz səndən əvvəl də (şəriət sahibi olan) elə bir rəsul, (şəriət sahibi olmayıb onun ardınca gedən) elə bir nəbi (peyğəmbər) göndərmədik ki, o, (hər hansı bir şeyi) arzu etdikdə Şeytan onun arzusuna (diləyinə vəsvəsə yolu ilə) bir xələl qatmasın! (Yaxud o, ayələrimizi oxumaq istədiyi zaman Şeytan onu çaşdırıb oxuduğu ayə barəsində pis bir fikir təlqin etməsin!) Lakin Allah Şeytanın vəsvəsəsini batil (yox) edər. Sonra isə Allah Öz ayələrini möhkəmlədər. Allah (hər şeyi) biləndir, hikmət sahibidir!

Bütpərəstlər bu hadisədən çaşqınlıq yaşayırlar. Deyirlər ki, necə ola bilər, iki gün əvvəl dinimizi tərifləyirdin, razılığa gəlmişdik. İndi isə 180 dərəcə dəyişib tam əksini söyləyirsən. İkiüzlülük niyə edirsən? Belə vəziyyətdə Məhəmməd gecikmədən açıqlama verir və 6 ayədən ibarət Kafirun surəsi nazil olur))).

Kafirun surəsi

1. (Ya Peyğəmbər! Sənə -bir il bizim bütlərimizə ibadət et, bir il də biz sənin Rəbbinə ibadət edək -deyən müşriklərə) de: “Ey kafirlər!

2. Mən sizin ibadət etdiklərinizə (bütlərə) ibadət etmərəm!

3. Siz də mənim ibadət etdiyimə (Allaha) ibadət etməzsiniz!

4. Mən sizin ibadət etdiklərinizə ibadət edən deyiləm!

5. Siz də mənim ibadət etdiyimə ibadət edən deyilsiniz!

6. Sizin öz dininiz var, mənim də öz dinim (Elə isə sizin dininiz sizə, mənim dinim də mənə)!”

Gördüyünüz kimi Məhəmməd manipulyativ adam olub. Yəni, vəziyyətə uyğun olaraq idarəetməni əldə saxlamaq üçün fikirlərini tez-tez dəyişdirib. Manipulyasiyanı “allahın ağzı” ilə etdiyinə görə kütləni inandırmağı bacarıb. Məhəmmədin həyat tarixində belə fikir dəyişdirməsi, şəxsi mənafeyi naminə ikibaşlı çıxışlar etməsinə çox rast gəlmək mümkündür. Digər yazılarımıza nəzər yetirsəniz bu adamın söylədiyi ayə onun maraqlarına sərf etmədikdə necə dəyişdirməsini və buna da başqa bir ayə vasitəsilə don geyindirməsinin şahidi olacaqsınız.