Adəm və Həvvanın toyu

 

Elmi biliklərin dərinliyindən xəbərsiz olan bir çox mifoloji hekayələr Planetimizdə ilk insanın Adəm və Həvva olduğunu söyləyir. İbrahimi dinlərində (üç ən böyük dinlər-yəhudilik, xristianlıq və islam ibrahimi dinləri adalanır) kişiyə "Adəm", qadına isə "Həvva" deyilir. Bir çox rəvayətlərdə kişinin qadından əvvəl və qadının kişidən yarandığı bildirilir. Dini kitablar mifoloji hekayələrdən qidalandığına görə orada insan nəslinin Adəm və Həvvadan gəldiyi yazılır. 

“Quran”nı açıb Nisa surəsi 1-ci ayəni oxuyaq: “Ey insanlar! Sizi tək bir şəxsdən (Adəmdən) xəlq edən, ondan zövcəsini (Həvvanı) yaradan və onlardan da bir çox kişi və qadınlar törədən Rəbbinizdən qorxun!” Ayə açıq-aşkar deyir ki, bəşəriyyətimizdəki insanlar Adəm və Həvvadan yaranıblar. Bu isə sadəcə "müqəddəs" adlandırılan kitablarda yazı olaraq qala bilər. Çünki ayənin heç bir dəlili, sübutu yoxdu. Sözaçdığımız ayəyə görə insanlar bacı və qardaşın cinsi əlaqəsindən törənib və artıb. Məntiqlə düşünün: Adəm və Həvva ər-arvad olub. Onlardan törənən uşaqlar sizcə nə ola bilər? Təbii ki, bacı və qardaş. Nəslin davam etməsi üçün isə ya bacı-qardaş cinsi əlaqəyə girməlidi, ya oğlan anası Həvva ilə sevişməli idi,  ya da qız atası Adəm ilə yatmalıydıkı insanların sayı artsın.  Belə çıxır ki, dünyadakı insanlar insest (yaxın qohumlar arasında cinsi əlaqə) münasibətdən yaranıb!? Quran kitabında Adəm və Həvvanın uşaqlarının necə artığı barədə isə heç bir ayədə söz edilmir. Elm sübut edir ki, insest evlilikdən, yəni yaxın qohum evliliyindən doğulan uşaqların müəyyən bir əlilliyə sahib olma nisbəti olduqca yüksəkdir. Belə olduğu təqdirdə pis genlər formalaşır və insan sayının artması mümkünsüz olur. Deməli, “Adəm və Həvva” sadəcə nağıldan ibarət bir hekayə tipidi.  

Bu günə qədər "Mitokondrial Eva" və "Adam Y" mövzusunda edilən araşdırmalar elmi baxımdan insanlığın ilk olaraq bir-biri ilə cütləşən iki fərddən mövcud olmadığını açıq şəkildə sübut edib. Mitokondrial DNT hüceyrələrimizin nüvəsi xaricində böyük molekulların oksigenlə yandırıldığı və enerji istehsalı üçün kiçik molekullara çevrildiyi mitoxondri adlanan orqanoiddə tapılan müstəqil DNT hissəsinə verilən addır. Mitokondrial DNT demək olar ki, hər zaman yalnız qadınlar tərəfindən, yəni ananın soyundan kişi və qadın nəsillərinə ötürülür. Genetiklər qadınların DNT-sindəki genetik kod vasitəsi ilə insan soyunun milyonlarla il əvvəlki təkamülünü izləyə bilirlər. Və beləliklə, təkamül barədə çox vacib məlumatlar əldə edilir.  İnsanlığın artmasında kişilərin də rolunu inkar etmək olmaz. Mayalanma zamanı kişilər qadınların verə bilmədiyi “Y” xromosomunu (qadınlarda yalnız “XX”, kişilərdə isə “XY” xromosomu olur) verir. Əgər kişi sperması vasitəsi ilə “X” xromosomunu qadına ötürürsə mayalanmada qız əmələ gəlir və doğulur. Əksinə, “Y” xromosomu ötürürsə, o zaman qadın oğlan uşağını dünyaya gətirir. Erkək və dişinin mövcudluğu isə insan sayının artmasında vacib amildi. “Mitokondrial Həvva” (Eva) adlanan proses Mitokondrial DNT izləməsinin insana uyğunlaşdırılmış bir versiyasıdır. Mitokondrial DNT üzərindən geriyə doğru axtarışlar aparılaraq insanların əcdadı tapılmışdı. Tapıntılar, daim geri dönən və tədricən müasir meymunların əcdadlarına yaxınlaşan bir əcdaddan inkişaf etdiyimizi açıq şəkildə göstərir. Buna görə bundan əvvəl bir neçə min nəsil (hər 200 ildə 2-3 nəsil xatırlayın) qətiliklə insan deyillər. Mitokondrial DNT əminliklə təkamülün mövcud olduğunu və davam etdiyini göstərən çox açıq bir dəlildi. Təkamül hər zaman var və davam edəcəkdi. İnsanların bədənində heyvanlara məxsus orqan qalıqları hələ də mövcuddur. Məsələn, götürək büzdüm sümüyünü (kopçik). Bu quyruq çıxıntısı sümüyüdü. Qədim əcdadlarımız quyruqlu olduqları üçün sonradan təkamül sayəsində o quyruq orqanı itirildi və indiki insanlara genlə həmin qısalmış quyruq ötürülüb. Nadir hallarda bəzi insanlarda o gen aktiv olur və uşaq quyruqlu doğulur. Quyruq heyvana məxsuz bir orqandı. Əgər insanlar dindarların dediyi kimi Adəm və Həvvadan yaranıbsa onda heyvana məxsus quyruq sümüyü niyə var? İnsana ən yaxın qohum sayılan Şimpanze meymunu ilə DNT 97 faiz eynidi. Hətta ehtiyac yaranarsa insana meymundan qan köçürmək mümkündü. O zaman sual yaranır: əgər insan Adəm və Həvvadan yaranıbsa onda heyvanlarla niyə çoxlu oxşarlığı, yaxınlığı var?

Həvvanın Adəmdən yaranması isə tamamən cəfəngiyyatdır. Çünki, yuxarıda dediyimiz kimi kişilərdə “X” və “Y” xromosomu olduğu halda, qadınlarda sadəcə “XX” xromosomu var. Hamiləlik dönəmində uşağın cinsiyyətinin oğlan olması kişidə olan “Y” xromosomundan asılıdı. Dindarlar yaranış nağılını Adəmin Həvvadan yaranması kimi nəql etsəydilər bu hardasa məntiqə uyğun olardı. Ancaq Həvvanın Adəmdən yaranması iddiası, özü də qabırğadan, bu artıq gülməli və axmaq arqumentdi. Bundan əlavə əgər insan Adəm və Həvvadan yaranıb artıbsa, onda niyə fərqli dəri rənginə malik insanlar var? Lap deyək ki, Adəm qara, Həvva sarı olub bəs qırmızı, ağ və başqa dəri rəngi olan insanlar necə oldu yarandı? Ancaq təkamül nəzəriyyəsində ilk insan deyə bir qavrayış yoxdu. Dəri rənginin müxtəlif olmasının səbəbi isə, təkamülün təbii seçmə mexanizmi ilə izah edilir. Məsələn, qara dərili insanlar təbii seçmə tərəfindən (təbiətə, yaşadığı mühitə uyğunlaşma) seçilmiş və yaşaya bilmişlər. Bu səbəbdən təxminən 100 min il əvvələ qədər bütün insanlar qaradərili idi. Sonradan əcdadlarımızın Afirkadan çıxıb başqa coğrafiyalara yayılması ilə artıq təbii seçmə nəticəsində fərqli rənglər yarandı. Bundan başqa 2 insanın nəslindən gəliriksə niyə insanlarda 4 fərqli qan qrupu növü var? Bir sözlə “Adəm və Həvva” nağılı qədimi miflərdən yaranmış cəfəngiyatdan başqa bir şey deyil. Odur ki, saatlarla oturub dindarların rəvayətlərinə qulaq asmayın. Vaxtınızı sevgiyə və elmə həsr edin. O zaman ölkəmiz mədəniləşib gözəlləşəcək.