Allah, yoxsa Al-İlah? Ay tanrısına inandığınızı bilirdinizmi?

Dindarlar kimi mən də istəyirəm sizə bir hekayət danışam. Axı rəvayətlər dinləməyə öyrəşmisiz və  bu sizə xoş təsir bağışlayır. Deməli, bir gün Əbu Talib Əbu Cəhil ilə Məhəmmədin arasını düzəltmək üçün ikincini yanı çağırır və deyir ki: “Ey qardaşımın oğlu, bunlar kavminin (kavmin-toplum, qəbilə, tayfa demək anlamına gəlir) ən mötəbər adamlarıdı. Səninlə danışmaq istəyirlər”. Məhəmməd də onların nə istədiklərini soruşur. Əbu Cəhilgil deyir ki: “Sən bizdən və ilahlarımızdan (bütlərimizdən) əl çək, biz də  səni və ilahını (allahını) rahat buraxaq”. Buna qarışılıq olaraq Məhəmməd onlara cavab verir ki: “Sizə bir kəlmə söyləsəm, onu qəbul etdiyinizdə bütün ərəblərə hökmetmək imkanınız olsa və acəm də (acəm-ərəb olmayanlara və xüsusilə iranlılara ərəblərin verdiyi isimdi) sizə boyun əysə, istəməzsinizmi”? Əbu Cəhil həyəcanla: “Ey qardaşımın oğlu söylə, sən söylə biz on dəfə söyləyək”-deyir. Məhəmməd bu sözləri eşidib ürəklənərək deyir: “La ilahə illallah- deyin və Allahdan başqa ibadət etdiyiniz şeyləri sındırıb atın”. Bunu eşidənlər Məhəmməddən üz döndərirlər və belə cavab verirlər: “Ey Məhəmməd, bütün ilahları tək bir ilahmı etmək istəyirsən? Bu nə əcaib şeydi”!

Yəni, bildiyiniz kimi o dövrdə Ərəbistanda çoxlu heykəl allahlar var idi. İndi Əbu Cəhil də Məhəmmədə demək istəyir ki, sən indiyədək ibadət etdiyimiz bütün allahları rədd edib, içərisindən Ay tanrısı “İlah”ı götürüb özünə allah edirsən. Bu normal deyil axı.  Bəli, söhbət Ay allahından gedir. Ay allahına keçməzdən əvvəl onu qeyd edim ki, Əbu Cəhilgilin bu cavabını Məhəmməd “Sad” surəsinin dördüncü və beşinci ayətində nəzərə alır:  Həmin ayətdə deyilir: “4. Öz aralarından onlara xəbərdarlıq edən bir peyğəmbər gəldiyinə təəccüb edərək kafirlər dedilər: "Bu, yalançı bir sehrbazdır! 5. O, bütün məbudları bir məbudmu etdi? Həqiqətən, bu, əcaib bir şeydir”.

Nə isə, indi Ay tanrısı barədə danışaq. İslamdan əvvəl ərəb toplumu Kəbədə 360 ədəd bütə inanırdı, onlara pənah aparmışdılar ki, onlardan ən güclüsü hesab etdikləri və ən yüksəyə qoyduqları Ay tanrısı Əl-İlah (Al-İlah) olub. O dövrdə ərəblərə görə Al-İlah dünyanın yaradıcısı, göydən yağış yağdıran, baş tanrı, tanrıların tanrısı, yaradıcı tanrı, rüzi verən tanrı, yeri-göyü yaradan tanrı idi. O hər şeyə qadir idi. Kəbənin hörmətlisi idi. Bundan əlavə Əl-Maqah deyilən Ay tanrısı da var idi ki, Məkkənin tanrısı olub və Məkkə həmin Əl-Maqahın adını daşıyır (Makkah). Məkkə deyəndə istər-istəməz Ay tanrısı Əl-Maqahın (Əl-Mukah) adını çəkirsiz.

Tanrıların tanrısı, yerin-göyün yaradıcısı olan Əl-İlahın 3 qızı var idi: Əl-Lat, Əl-Uzza və Əl-Manat. Hansıkı bunların adı “Quran”ın Nəcm surəsinin 18-20 ayələrində keçir:  18. And olsun ki, (Peyğəmbər) öz Rəbbinin ən böyük qüdrət nişanələrindən (möcüzələrindən) bir qismini (Beytül-məmuru, Sidrətül-müntəhanı, Cənnəti, Cəhənnəmi, Rəfrəfi, altı yüz qanadı olan Cəbrailin həqiqi surətini və i. a.) gördü. 19. (Ey müşriklər!) Bir deyin görək (sizin ibadət etdiyiniz) Lat və Uzza nəyə qadirdirlər?! 20. Digər üçüncü (büt) olan Mənat da həmçinin?!

Onu da nəzərinizə çatdırım ki, o dövrdə bütlər, xüsusi ilə də Əl-İlah və qızları o dərəcədə hörmətli idi ki, insanlar övladlarının adını onların ismi ilə əlaqələndirirdilər. Belə düşünürdülər ki, övladının adında büt tanrılarından birinin ismi keçərsə o daha xoşbəxt və toxunulmaz olacaq. Eynən indiki kimi. Yəni, bizim günümüzdə yaşadığımız nağılbaşlar da elə fikirləşirlər ki, övladlarına Əli, Rəsul, Hüseyn, Məhəmməd, Zəhra, Ayşə, Zeynəb və sairə ərəbin gic adlarını qoymaqla uşaqlarının həyatlarını qarantiyaya almış olurlar və övladları hər türlü xətadan bəladan uzaq duracaq, xoşbəxt olacaqlar. Cənnətə isə bunların adına görə hörmət edib buraxacaqlar. Zaman dəyişsə də düşüncə dəyişməyib. Məsələn,  Məhəmmədin dədəsinin adı bildiyiniz kimi Abdullah idi. Ay tanrısı İLAH-ın şərəfinə valideynləri uşağa Abdul-LAH ismini vermişlər. Başqa bir misala baxaq. Məhəmmədin əmisi Əbu Ləhəbin əsil adı Abduluzza (Abdul-UZZA) olub. Ay tanrısı Əl-İlahın qızı, Əl-uzzanın şərəfinə Abduluzza qoyublar. Bunlar lah və uzza ilahələridir.  Bir sözlə, indiki dövrdə olduğu kimi, o dövrdə də insanlar müqəddəs hesab etdikləri (bütlərin), yaradıcı saydıqları bütlərin adını övladlarına verirmişlər.

Ay tanrısı Əl-İlah və Əl-Maqah o qədər müqəddəs hesab edilirmişlər ki, Ay nişanə olaraq Məkkənin simvoluna çevrilir. Məkkənin simvolu Aydı. Ay ilk əvvəllər islamın somvolu olmayıb. Zaman keçdikcə Ayı islamın simvoluna çevirirlər. Bir də bəzi islam simvollarında Al-ilahın qızlarının adı (Al-lat, Al-Uzzat, Al-Manat) 3 ulduz olaraq simvollaşdırılmışdı. Həmçinin “Quran”da Ayın müqəddəsliyi saxlanılır və onun üzərinə and içilir. Məsələn, Muddəssir surəsi-32-yə baxaq: “Xeyr! (İş heç də bu müşriklərin zənn etdiyi kimi deyildir). And olsun aya;”  

Özünü müsəlman hesab edənlər, gündəlik həyatlarında hər cümlənin başında bismillah, vallah, billah, maşallah, əlhəmdülillah, Abdullah, Seyfullah və sairə kimi minlərcə isimlərdən istifafə edənlər bilməlidir ki, həmin sözün sonunda keçən üç hərfdən ibarət “LAH” Ay tanrısı İlahın adıdır.

Bundan əlavə yəqin ki, çoxunuz günəş tanrısının “RA” olduğunu bilirsiz. Ancaq bunu bilmirsiz ki, “Rab”, “Rabim”, “Ya Rab” deyərək (guya) Allaha xitab etdiyiniz sözlər günəş allahı olan “RA” sözündən götürülüb.

Yeri düşmüşkən onu da qeyd edim ki, müxtəlif ərəb qəbilələri bu Ay tanrısına başqa-başqa adlar vermişlərdi. Məsələn, Ay tanrısının “Sin” və “Hubal” kimi adları da mövcud idi. Ancaq Qureyş qəbiləsindəki adı Al-İlah olub. Məhəmməd də 360 ədəd bütdən ən güclü hesab edilən Əl-İlah Ay tanrısının adını götürüb allah yaradır və “Al-ilahdan başqa illah yoxdur” deyir. Beləcə Məhəmməd Al-İlahı tək tanrı olaraq elan edir və digər bütlərə tapınmağı qadağalayır.

Və indi müsəlmanların müqəddəs yer kimi baxdıqları və həccə gedərək çevrəsinə fırlandıqları Kəbə miladdan öncə 800-cü illərdə həmən Ay tanrısı olan Al-İlahın evi idi. Məlumatı olanlar bilir ki, ərəblər önəmli kəlmələrin qarşısına “ya” “əl” artiklı artırırlar. Məsələn, Ya Məhəmməd, Ya Rab, Əl-İlah, Ya Sin və s. Ay tanrısının isimlərindən biri olan “SİN” lə bağlı “Quran”da Yasin surəsi də var.

Bəzi mənbələrdə Ay tanrısı barədə yazılanlara diqqət edək.

- Al-ilaha Kəbədə qara daşın yanında ibadət edilirdi. (The Archeology of World religions, Jack Finegan, 1952, p482-485, 492)

- Ərəbcədə tanrı sözünün anlamı tam olaraq “ilah”dı. (The Encyclopedia of İslam, New Edition, Edited By B. Lewis, V. L. Menage, Ch. Pellat And J. Schacht, 1971, ALLAH, page 406)

- Hətta islamdan əvvəl bəzi bütpərəstlərin maraqlı adətləri vardıkı bunlardan biri də ramazan dedikləri ayda  bir ay oruc tutarlar, Məkkəyə həccə gedib Kəbənin ətrafına 7 dəfə dönərlər. müqəddəs hesab edər, onu öpər və gündə 4 və ya 5 dəfə namaz qılarlar, şeytan daşlayardılar. Təbii ki bunlar Quranda da keçir. (Is Allah the same God as The God of Bible?, M. J. Afshari, p 6, 8-9,İslam, Beliefs And Observances, Caesar E. Farah,)

- Əski ərəblərdə abdəst alma adətləri vardı. Onlar bütlərin qarşısına çıxarkən burunlarına su çəkər, əllərini dirsəklərinə qədər yuyardılar. Kəbə əldəki sübutlara görə İbrahim peyğəmbər tərəfindən tikilməmişdir. Təxminən miladdan əvvəl 800-cü illərdə inşa edilib. Və Kəbə heç bir zaman yəhudilər və xristianlar tərəfindən müqəddəs sayılmamışdır. (A Guide to the contents of Quran Faruq Sherif, Reading, 1995, pgs. 21-22., Muslim)

- Məhəmmədin zamanında və ondan əvvəlki 5-6 illik dönəmdə bütpərəst məkkəlilər xristianlardan tək tanrılı dini öyrənməyə çalışırlardı və xristianlarla təmas halında idilər. (Muhammads Mecca, W. Montgomery Watt, Chapter 3: Religion In Pre-Islamic Arabia, p26-45)

Son olaraq onu deyim ki, müsəlmanlar Aya tapınır demirəm. Sadəcə onu deyirəm ki, Məhəmməd ərəblərin “Sin” “Hubal” və “Al-İlah” şəklində ibadət etdiklərini bir tanrıya çevirmiş və adını da Allah qoymuşdur. Eyni zamanda bunu edərkən də ərəb bütpərəstlərinin inanclarından son dərəcə təsirlənmişdi. Onların müxtəlif ibadətlərini eynən olduğu kimi yeni qurduğu dinə - islama adlatmışdır. Gözlərinizi açın, özünüzə gəlin. Tüpürün bütləşmiş və sizə soxuşdurulan islama. Yox əgər özünüzü hansısa dinə inanmağa borclu hesab edirsinizsə, heç olmasa kökünüzə qayıdıb Gök Tanrıçılığa pənah aparın.