Sünnət dərisi və dərsi

Müsəlmanlar dinin bir parçası, ayrılmaz hissəsi hesab etdikləri sünnət (yəni, kişi cinsiyyət orqanının (penisin) başını örtən və qoruyan üst dərinin kəsilib atılmasıdır) barədə yazmağın sizlər üçün faydalı olacağını düşünürəm. Əslində islamın 5 şərtinə bunu da əlavə etməlidirlər. Çünki, müəslman cəmiyyətlərində penisinin ucu kəsilməyən kimsəni islama qəbul etmirlər)). Belə adamlara xristian, erməni, kafir deyərək alçaldırlar. Kişi cinsindən olanların sünnət edilməsi ilə bağlı bir çox lətifələr söylənilib ki, birinin son abzasını deyəcəm. Bir xarici müsəlman olmaq istəyir. Çox mərhələdən sonra dindən çıxmağa qərar verir. Ona deyirlər ki, çıxsan başını kəsəcəklər. O da deyir ki, bu nətər dindi girəndə aşağını, çıxanda yuxarını kəsirlər)). Lətifə olmağına baxmayaraq reallıq çalarları çoxdur. Azərbaycan ailələrində doğulan oğlan uşaqları barədə verilən ilk qərar penis uclarının kəsilməsidir. “Balaca nə zaman müsalman olur”-deyərək, bir-birlərindən hal-əhval da tuturlar. Bu tip cəmiyyət fərdlərinin düşüncəsinə görə uşağı sünnət etdirdikdən sonra o, müsəlman olur və cənnətə girmək şansı artır)). Sanki açıb duduşuna baxacaqlar)). Müsəlman kəslərin ümumi bir qaydası var. İslamın 5 şərtinə əməl etməsələr də olar. Əsas odur ki, uşağın lülüşünü kəsdirsinlər. Amma başa düşmürlər ki, sünnətin islamla bir əlaqəsi yoxdur. Sünnətin tarixi qədim zamanlara gedib çıxır. Araşdırmalara inansaq kişi cinsiyyət orqanının kəsilməsi Şumerlərin (Şumer – e.ə. VI minillikdən başlayaraq Dəclə və Fərat çayları arasında yerləşən bəşəriyyətin ən qədim mədəniyyət ocaqlarından biri olmuşdur) zamanına qədər gedib çıxır. Şumerlərdən sonra qədim Misirdə orqanın uc tərəfinin azca kəsilməsinə başlanır. Bu ilk olaraq bir status, işarətlənmə (damğa kimi) anlamına gəlirdi və məhkumlara, qullara edilirdi. Kitablardan oxuduğumuz qədəriylə Musa (peyğmbər) kölələri və dustaqları çıxardığı zaman hamısı sünnətli olur. Amma Musa özü sünətsiz idi. Çünki o, fironların sarayında doğulmuşdur və əsilzadə idi.

Sünnətin yayılma çoğrafiyası fərqlidir. Afrikada və Hettit tayfalarında da sünnət edilmə prosesi aşkarlanıb. Qadın tanrı bütlərinin meydana çıxdığı dönəmdə onlara sitayiş edən din adamları öz cinsəl orqanlarını kəsərək qurban edirlərmiş.

Hədislərdə Məhəmmədin (peyğəmbər) sünnət edilməsinə dair bir deyim yoxdur. Amma belə bir iddia var: guya o, doğuluşdan sünnətliydi. Təbbi ki, heç kim bilə bilməz o, sünnətliydi, yoxsa qorxusundan elətdirməyib)). Hətta peyğəmbərin nəvələrinin sünnət edildiyinə dair heç bir məlumat da yoxdur. Məsələ orasındadır ki, tibbdə doğuluşdan sünnətli olan adama anormal baxılır və bu çox zaman cinsi pozğunluğa yol açan rahatsızlığa gətirib çıxarır. Bəs, islamda sünnət necə yarandı deyərək soruşacaqsınız. Mənim düşüncəm belədir ki, islamın yaranma dövrünə, şəraitinə nəzər salın. Qızmar, isti Ərəbistan və çirkli, vəhşi ərəbləri təsəvvür edin. Donlarını geyinərək bütün günü qumun üstündə eşələnirlər. İçməyə suyu zorla tapırdılar, nəyinki gündəyməz yerlərini yumağa. Nəticədə qum, eləcə də digər çirklər avtomatik yuyulub, təmizlənməyən cinsiyyət orqanına yığılıb qalırdı və çirk əmələ gətirirdi. Lülüşləri şişirdi və əziyyət əkirdilər. Dini yəhudilərdən kopiyaladıqları üçün görüb-götürmək təcrübələri var idi. Yəhudilərin sünnət məsələsinə də sahibləndilər. Çünki işlərinə yarayırdı. O dövrdə zamanın tələbinə uyğun olaraq ərəbi sünnət eləməklə onu cinsiyyətini qorumaq kimi məsuliyyətdən azad etdilər. Acınacaqlısı odur ki, ərəblər dinləri kimi sünnəti də insanlara zorla soxuşdurdular.     

İyirmi birinci əsrdə yaşamağımıza baxmayaraq bu gün kütlə fərqinə varmadan sünnəti vacib adət şəkilinə gətirib və bu ayini yerinə yetirirlər. Özlərinə haqq qazandırmaq üçün hətta belə deyirlər: təmizlikdir, xəstəliklərdən qoruyur filan. Sünnət haqqında yayılan əfsanələrdən ən məhşuru sünnətin penisi daha təmiz və baxımlı etməsidir. Bu doğru yanaşma deyil. Gözqapaqları olmadan gözlər daha təmiz olmaz, penis də üstdəri olmadan daha təmiz olmaz. Əksinə olaraq xarici orqan halına gətirilən qlans (penis başı) və meatus kirə və aşınmaya sürəkli açıq haldadır. Dünyada sünnətsiz yüz milyonlarla kişi var. Nə oldu bəs? Onların heç biri penisini kəsdirmədiyi üçün xəstələnmədi, ölmədi. Sözümün canı odur ki, “sünnət təmizlikdir, gələcəkdə xəstəliklərdən, infeksiyadan qoruyur” filan deyirsiniz var haa, bilinki, uşağı tutub qulaq məməsini kəsməklə cinsəl orqanını kəsmək arasında bir fərq yoxdur. Bunun yalnız bir adı var: öncədən zərər vermə. Sən uşağın gələcəktə yerinə qoya bilməyəcəyi bir orqanı tamamən kəsib atırsan və bunu da onun iradəsiylə deyil, öz inancın, dini baxışın və kütlənin adətinə uyub edirsən. Və bil ki, bununla öz uşağına qarşı zor işlədirsən, şiddət göstərirsən. Haqdan, ədalətdən danışırsız, ancaq ən böyük ədalətsizliyi uşağın icazəsi olmadan onun üzərində hökm verməklə edirsiz. Bu bir növ onu cəzalandırmaq kimi görsənir.

Hamınız bir nəfər kimi böyüklərinizdən, hətta bəzi həkimlərdən penisin ucunun kəsilməsinin kişinin həyatında vacib və uğurlu addım olduğunu eşitmisiniz. Məsələyə başqa tərəfdən baxaq. Axı deyirsiniz ki, yaradan hər şeyi gözəl və qüsursuz yaradıb. Nə oldu bəs? Əgər doğrudanda yaradana inanırsınızsa, onda lülüşü kəsməklə onun səhvini düzəltmiş olmursunuzmu?

Zalım və düşürücü davranışlar bir insan haqlarının pozulmasıdır. Nə qədər gec deyil bu barədə düşünün. Sünnət zalım və şiddətli bir davranışdır. Bunu öz uşağınıza qarşı necə edə bilirsiz? Ürəyiniz ağrımır? Bəs valideynlik hissiniz hara baxır? Bu işdə doktorlar, ara dəlləklərinin də payı var. Özünü qoruma imkanı olmayan və öz istəyi olmadan uşaqlar üzərində bu əməliyyatı etməkdən imtina etməlidirlər. Nəzərə alın ki, etiraz etmə, özünü qoruma, ya da səs vermə şansı olmayan bir uşaqdan kəsilib alınır. Qorxu, ağrı, forma dəyişdirmə (sünnətdən sonra cinsiyyətin forması dəyişir), gücdən salma və alçaltma insan ruhunu sındırmağa çalışmağın tipik yollarıdır. Bunların hamısı isə sünnətdə cəmlənib.

Sünnət barədə kim nə deyir?

İndi isə gəlin dünyada sünnətlə bağlı cəmiyyətdə ictimai statusu olan şəxslərin fikirlərini oxuyaq. Türkiyəli araşdırmaçı yazar Nil Gün “Sünnətlə Əlaqədar Yalan və Gerçəklər” kitabında sünnətin sağlamlığa böyük zərər vurduğunu yazır: “Kəsilən yalnız işə yaramaz bir dəri parçası deyil. O kəsilən hissə, içində sinir uclarının, qan damarlarının, ifrazat bezlərinin olduğu bir mexanizmdir. O işə yaramaz deyə kəsilən dəri parçasının qoruyucu vəzifəsi və cinsi funksiyası var. Sünnət olduqdan sonra bir çox sahədə kişi zərər görür”.

 Psixiatr Osman Sabuncuoğlu isə “4-6 yaş arasındakı oğlanlar “psixo-dinamik” olaraq xüsusi bir dövrə girir. Atalarının onlara zərər verəcəyi, pipilərini kəsəcəyinə dair narahatlıqları yaranır. Elə bu ərəfədə də sünnət edilmələri sonrakı illərdə cinsi həyatlarına mənfi təsir edir”- deyir.

 Seksopotoloq Haydar Dümənə görə, sünnət tamamilə mənfi bir şeydir: “Başdan-ayağa yanlışdır. Çünki istər Tanrı, istərsə də təbiət olsun, bədənimizdə nə bir hüceyrəmizi çox, nə də az yaradıb. Buna görə nə Tanrı, nə də təbiət səhv bir şey yaratmaz. Sünnət psixoloji zərərləri daha çox olur. “Kastrasyon kompleksi” dediyimiz, pipi kəsilmə qorxusu meydana gəlir. Bu da psikoseksual inkişaf dövründə dərin izlər buraxar”.

Psixiator doktor Nüsrət Kaya deyir ki, “sünnət iki yaşından yuxarı uşaqlarda əksər vaxtı penis kəsilmə qorxusunu artıra bilir ki, bu da gələcəkdə kişilərin cinsi həyatlarında erkən boşalmaya səbəb olur”.

Məsələyə ən cddi yanaşmanı isə Professor Cəmil Toppuzlu qoyur: “Guya sünnətin təmizlik baxımından faydası varmış. Sünnət olmayanlarda xəstəliklər olurmuş. Çox yaxşı, bunu qəbul edək. Lakin mində bir adamda təsadüf olunan bu xəstəliklər üçün bütün müsəlman uşaqların mühüm bir üzvlərini həyatları bahasına və din uğruna kəsdirməkdə nə məna var? Məncə, gələcəkdə baş verə biləcək xəstəliklər üçün sünnət etdirmək, gələcəkdə kor bağırsağı partlayar deyə bütün uşaqlarımızın appendisitlərini çıxartmağı tövsiyə etməkdən fərqli deyildir”.

Sünnətin uşağın ruhsal halına travmatik təsirlərinin olduğunu söyləyən braziliyalı psixiator Dr.Tractenberg bildirir ki, doktorlar sünnətin nə qədər ağrısız olduğunu söyləsələrdə bu travma yenidoğulan uşağın beynində qalıcıdır və həyatının gələcək dönəmində pis xatirənin silinmə qayğısı ilə üzləşir: “Sünnət gələcəkdə psixoloji və şiddət, ya da aşırı mazaxist davranışların ortaya çıkmasına yol aça bilər. Sünnət uşaqda anasına qarşı güvən duyğusunun itirilməsinə səbəb olur və bunun nəticəsi olaraq bütün qadınlara qarşı bir güvənsizlik ortaya çıxarır”. (Yəni, anam məni qoruya bilmədi, atam da aparıb lülüyümü kəsdirdi.)

Doktor Ronald Goldman “Gizli travma” kitabında sünnətin yaratdığı post-travmatik stres pozuqluğu barədə yazaraq qeyd edir ki, kişidə uzun müddətli hirs, utanc, özünə güvənsizlik, qorxu, cinsi əlaqə zamanı pozuqluğ, duyğularını ifadə edə bilməmək kimi vasitələrə yol aça bilir.

  

Beynəlxalq düşüncə

Amerika Sünnət Əleyhinə Həkimlər Birliyi (Doctors Opposing Circumcision, DOC) yenidoğulan oğlan uşaqlarının sünnətinin əlyhinədir. Birlik qeyd edir ki, kimsənin bir başqasının cinsi parçalarını zorla və ondan icazəsiz götürməsinə haqqı yoxdur. Bu həkimlər iddia edirlər ki, uşaqlar üzərində tətbiq olunan bu ağrılı əməliyyat tibbi baxımdan gərəksiz bir işdir. Adıçəkilən Birlik həm də onu vurğulayır ki, sünnətlər yalnız insan haqqını pozmur, eyni zamanda tibbin təməl qanunu olan “ilk öncə zərər vermə!” qanununu da pozur. Müasir tibbi qaydalara görə, ana-atanın uşaqlarına faydası olmayan bədən üzvlərinə tibbi müdaxilələrə icazə vermək səlahiyyətləri də yoxdur.

“International Coalition for Genital Integrity” sünnəti “birinci dərəcəli cinsi baxımdan şikəst edici əməliyyat” sinifinə daxil edib.

Birləşmiş Millətlər Təşkilatı sünnəti cinsəl saldırı və insan haqlarının pozulması kimi tanıyır. Uşaq hüquqları haqqında konvensiyanın 24-cü maddəsinin 3-cü bəndində uşaqların sağlamlığına mənfi təsir göstərən ənənəvi praktikanın aradan

qaldırılması dedikdə sünnət nəzərdə tutulur.

Amerika Pediatrlar Akademiyası araşdırmaların nəticəsi olaraq bu qənaətə gəlib ki, sünnətli uşağın anasına qarşı münasibəti dəyişir, yuxusu pozulur və acı verici hərəkətlərə qarşı sərt şəkildə təpki göstərməyə başlayır. Bəzi analar uşaqlarının sünnət olunduğu günü həyatlarındakı ən pis gün  olaraq qeyd etmişlər.

Amerika Psixoloqlar Dərnəyi isə bəyan edir ki, sünnət- fiziki şiddətdən savayı vücuda yönəlik bir istismardır. Bu işgəncə stres və ya acıya yol açan davranışdır. Uşaq nə qədər kiçik olsa da travmadan zərər görmə ehtimalı qaçılmaz deyildir.

  

Sünnətin fəsadları

 Sünnət dərisinin üç funksiyası vardır: cinsi, qoruyucu və həssaslıq funksiyası.

 Doğumdan sonra sünnət dərisi penisə yapışıq olur. Daha sonra öz-özünə ayrılır. Penisin başındakı dəri örtüyü orqanı mikrop və yaralanmalardan qoruyur. Həyat boyunca da penisin başını yumşaq və nəmli tutaraq zədələrə qarşı bir örtük formasını alır. Sünnət dərisindəki mukoza və frenulum kimi müəyyən bölgələr, xüsusilə həssas toxumalardan meydana gəlmişdir və cinsi zövqə xidmət edir. Buradakı xüsusiləşmiş sinir ucları cinsi zövqü və aktın müddətini artırır. Yəni, penisin ucu kəsilirsə seks zamanı aldığınız zövq də azalır və eyni zamanda sevişmə müddətiniz də qısa olur.

Üst-dərinin iç təbəqəsi və ümumi penis dərisinin kəsişməsi olan xüsusi bir bölgə də var. Bu bölgə üst-dərinin hərəkətini təmin edən xüsusi əzələlərdən ibarətdir. Buradakı toxunma duyğusu dodaqlarınkı qədər inkişaf edib.

 Sərtləşmiş halda olan penisin üst dərinin içində hərəkət edə biləcəyi geniş bir sahə var. Penis bu sahə içərisində hərəkət edə bilər və təhriş olmaqdan, süni sürüşkənləşdiricilərə duyulan ehtirasdan xilas olur. Kəsilən dərinin ölçüsündən asılı olaraq, sünnət kişini penis dərisinin 80 faizə qədər və ya daha çoxundan məhrum edir. Sünnət dərisinin uzunluğundan asılı olaraq, onu kəsmək, penisi 25 faiz və ya daha çox qısaldır. Orada olan damar və sinir ucunu yox edir.

 Sünnət edilmiş şəxslərdə hissyyat azalır. Sünnət penisi ciddi bir şəkildə hissiyyatsız edir. Üst-dəri (penisin dərisi) amputasiyası, üst-dərinin özündəki zəngin sinir şəbəkəsini və sinir impulslarını yox etmək deməkdir. Sünnətdən sonra daim çöldə qalan qlansı (penis başı) örtən membran indi aşınma və erroziya ilə qarşı-qarşıya olduğundan sərt və quru olur.

 Bundan əlavə, sünnət penisi təsirsiz edir, onun formasını dəyişir, qan dövranını pozur, beyinə zərər vurur. Sünnətin gigiyena və sağlamlığa isə heç bir dəxli yoxdur.

Sünnətin daha bir zərəri təsirsizlikdir. Sünnət zamanı böyük miqdarda penis dərisinin götürülməsi, geridə qalan dərini hərəkətsiz hala gətirir. Bu hərəkətsizlik qlansın normal işlək mexanizmini yox edir. Sünnətli penis sərtləşdikdə geridə qalan hərəkətsiz hala gəlmiş dəri gərilir və bu bütün penisə bəs etmir (yəqinki, sərtləşmiş penisinizə baxdıqda bu rahatca müşahidə edə bilirsiz. Sanki penis bu dəqiqə cırılacaq). Normalda penisin üzərində tük olmalı deyil. Amma sünnət zamanı dərini dartıb kəsdikləri üçün dib dəri gövdəyə gəlir və tüklü olur. Yəni, bu şəkildə üzərindəki tüklü dəri də penisə qədər çəkilir.

Sünnət edildikdən sonra penisin görünüşü böyük ölçüdə dəyişir. Normalda bir iç orqan olan penisin başı ömürlük xarici orqan halına gətirilir. Yaraya və kəsilən dəri miqdarına görə sünnətli dəri əyri bir şəkil ala bilər və ya sərtləşma zamanı əyilə bilər. Bəzən sünnət yarasının büzülməsi penis gövdəsini qarının içinə çəkə bilir. Bu isə penisin qısalmasına səbəb olur. 

Sünnət penis dərisindəki və penis başındakı normal qan dövranını pozur. Penis arteriyalarına axmaq istəyən qan kəsilmə nöqtəsindəki yara sərhəddi ilə əngəllənir. Bu isə qanın irəldəki digər nazik damarları bəsləmək yerinə geriyə doğru axmasına səbəb olur.